कोरियाको महान पर्व छुसकको अवसरमा नेपाल-कोरिया साँस्कृतिक मञ्च (एनकेसीएफ) ले दक्षिण कोरियामा साँस्कृतिक कार्यक्रम आयोजना गर्ने भएको छ।

कोरियाको महान पर्व छुसकको अवसरमा २००७-९-२५ तारिखका दिन कार्यक्रम आयोजना गरिने जानकारी आयोजक संस्थाका अध्यक्ष प्रेम गुरूङले दिनु भएको छ । आयोजक एनकेसीएफले प्रवासी भूमिमा रहेर पनि देशको संस्कृतिको प्रवर्द्धन, विस्तार र पहिचान गराउन र लोप हुँदै गएको नेपालको संस्कृतिको जगेर्ना गर्नका लागि प्रवासी भूमि दक्षिण कोरियामा स्थपित मञ्चले यहाँ रहेर पनि आफ्नो देशको साँस्कृतिक पहिचान यहाँका विभिन्न स्थानमा गराउँदै आएको जानकारी गुरूङले दिनु भएको छ ।

उहाँले दक्षिण कोरियाको महान पर्व छुसक, सान्नालको लामो विदामा कुनै साँस्कृतिक कार्यक्रम नगरेको हुनाले यस पटकको छुसकमा सेप्टेम्बर २५ तारिखका दिन दिन नेपाल-कोरिया साँस्कृतिक मञ्च दक्षिण कोरिया विशेष साँस्कृतिक कार्यक्रम गर्न लागिएको मञ्चका अध्यक्ष प्रेम गुरुङले बताउनुभयो । त्यसको लागि नेपालबाट ख्यातिप्राप्त कलाकारहरु झिकाउने जानकारी पनि प्राप्त भएको छ ।

आयोजक संस्थाले त्यस दिन कुनै पनि संघ/संस्थालाई कार्यक्रम नजुधाई दिनहुनु आव्हान गरेको छ । अध्यक्ष प्रेम गुरुङले दक्षिण कोरियामा रहनु भएका समस्त नेपाली दाजुभाइ तथा दिदीबहिनी र संघ/संस्थाबाट यस अघि जस्तै सहयोगको अपेक्षा गर्नु भएको छ ।