हेल्पीङ फर पाँचथरको साधारण सभा सम्पन्न
दक्षिण कोरियाको राजधानी सिओलको उलचिरो ४ गा स्िथीत रहेको प्रवासी मजदुर युनियन ( MTU )को केन्द्रीय कार्यलयमा गत फेब्रुअरी १७ तारिखको दिन सम्पूर्ण पाँचथरबासीहरु भेला भई सोही दिन साधारण सभा गरीएको थियो । सो भेला द्धारा २००५.०३ मा स्थापना गरीएको ‘ हेल्पीङ फर पाँचथर ‘लाई पाँचथरको विकास,जातीय तथा लोक साँस्कृतिक उत्थान एवम सहयोग गर्ने र कार्य समितिलाई निरन्तरता,दिगो रूप दिन पाँचथरबासीहरुको बृहत भेलाले भिम प्रसाद साम्बाहाम्फेको अध्यक्षतामा १३ सदस्यीय कार्य समितिको चयन गरीएको छ।
जस अनुसार अध्यक्षमा भिम प्रसाद साम्बाहाम्फे , उपाध्यक्षमा नाईन्द्र विक्रम योङहाङ,सचिवमा एन ब.कुरुङबाङ,सहसचिवमा गगा प्रसाद आङदेम्बे,कोषाध्यक्षमा नरेन्द्र प्रसाद चेम्जोङ, सह कोषाध्यक्षमा हर्क प्रसाद आङदेम्बे,राष्िट्रय संयोजक तेज ब.तुम्बाहाम्फे सह संयोजक कमानसिंह कुरुङबाङ,अन्तराष्िट्रय संयोजक याम ब.शेर्मा,अन्तराष्िट्रय सह संयोजक गंगा प्रसाद साम्बाहाम्फे र सदस्यहरुमा क्रमश : रविन आङदेम्बे,विनिता सेलिङ,माया आङदेम्बे र अमृत साम्बाहाम्फे रहेको छ ।
त्यसै गरी सल्लाहकारमा चन्द्र नेम्बाङ, बम प्रसाद लावती ,अमर लिङदेन,कुल प्रसाद खत्री, गणेश खड्का सर्वसहमतिमा पारित गरिएको छ । सोही दिन ‘हेल्पीङ फर पाँचथर’ तदर्थ समिति दक्षिण कोरियाका अध्यक्ष चन्द्र नेम्बाङको अध्यक्षतामा संस्थाको विधान पनि पारित गरिएको थियो । अतिथिहरुमा अशोक भटटराई ( प्रगतीशील मोर्चा ) र मान ध्वज लामा ( नेपाल प्रवासी संघ ) रहनु भएको थियो ।
