परराष्ट्र मन्त्रालयले द. कोरियामा तत्काल नेपाली दूतावास खोल्न मन्त्रिपरिषदमा प्रस्ताव पेश गर्ने भएको छ। करिव ६ हजार नेपाली रहेको द. कोरियामा नेपाली राजदूतावास राख्ने निश्चित भएको समाचार प्राप्त भएको छ।

सात दलको सरकारले गत भदौ १५ गते अष्ट्रेलिया र द कोरियामा नेपाली राजदूतावास स्थापना गर्ने निर्णय गरेपछि परराष्ट्र मन्त्रालयले सो निर्णयको तत्कालै कार्यान्वयन गर्न अर्थ मन्त्रालयमा बजेट निकासको लागि गत भदौ ३० गते पत्राचार गरेको थियो। अर्थ मन्त्रालयले २००६ नोभेम्बर १२ का दिन त आईतबार बजेट निकासा गरि दिएपछि अब कोरिया र अष्टे्रलियामा नेपाली राजदूतावास रहने निश्चित भएको छ।

समाचार स्रोतका अनुसार द. कोरियामा तत्कालको लागि कार्यवाहकसहित तीन कर्मचारी नियुक्त गरिने सहमति अर्थमन्त्रालयबाट आई सकेको छ भने पछि राजदूतस्तरमा स्तर निर्धारण गरिने समेत जनाइएको छ।