उत्तम गुरुङ
दक्षिण कोरिया

नेपाली प्रवासी पत्रकार संघ दक्षिण कोरियाका सभापति डम्बर सुब्बाको सभापतित्वमा शनिबार कोरियाको राजधानी सिउलमा बसेको तेस्रो पूर्ण बैठकले कार्य समितिलाई पूर्णता दिंदै देशमा हालै सम्पन्न ऐतिहासिक शान्ति सम्झौताको अक्षरशः कार्यान्वयन गर्न माग गर्ने निर्णय गरेको छ।

नेपाल पत्रकार महासंघ केन्द्रीय समितिको बनेपामा महासंघका अध्यक्ष विष्णु निष्ठुरीको अध्यक्षतामा बसेको आठौं बैठकले नेपाली प्रवासी पत्रकार संघ दक्षिण कोरियालाई सम्पर्क समितिको मान्यतालाई अनुमोदन गरेकोमा बैठकले हार्दिक धन्यवाद दिंदै खुसियाली ब्यक्त गरेको छ । दक्षिण कोरियाको राजधानी सिउलस्थित हिमालयन रेष्टुरेण्टमा बसेको बैठकले नेपाली प्रवासी पत्रकार संघ दक्षिण कोरियालाई पूर्णतासमेत दिएको छ । उक्त बैठकले फोटो पत्रकार उत्तम गुरुङलाई संघको उपाध्यक्षमा निर्विरोध चयन गरेको छ भने अन्य दुई सदस्यमा राप्के लामा र पुरु जोशीलाई चयन गरेको छ ।

यसैगरी उक्त बैठकले सल्लाहकारहरुमा एनआरएन-आइसीसीका केन्द्रीय प्रतिनिधि रुद्र शर्मा, नेपाल बौद्ध परिवार तथा नेपाली जनसम्पर्क समिति दक्षिण कोरियाका उपाध्यक्ष नरेन्द्र गुरुङ र नेपाली सम्पर्क समिति दक्षिण कोरियाका सहसचिव सुरेश कुमार लिम्बूलाई चयन गरेको छ ।  यस्तै उक्त बैठकले केही दिन अगाडि सरकार र माओवादीबीच भएको ऐतिहासिक शान्ति सम्झौता अक्षरशः लागू गर्न आग्रह गरेको छ ।

उक्त बैठकपछि संघका सचिव भूपेन्द्र आचार्यद्वारा जारी विज्ञप्ति अनुसार शान्ति सम्झौतालाई सम्झौतामा मात्र सीमित नगरी कार्यान्वयन गर्ने तर्फ सबै तहबाट ध्यान केन्द्रित गरी आम नेपालीको वास्तविक स्थायी शान्तिको चाहना पूरा हुने त्यसतर्फ लाग्नुपर्छ भनिएको छ । साथै स्थायी शान्ति बहालीसँगै पूर्ण प्रेस स्वतन्त्रता, मानव अधिकार र जनताका अधिकारलाई स्थापित गर्ने, संविधानसभामार्फत लोकतान्त्रिक गणतन्त्र स्थापना गर्ने कार्यमा आगामी दिनमा पनि निरन्तर क्रियायाशील रहने प्रतिबद्धता बैठकमा पारित गरेको छ।

दक्षिण कोरिया क्‍यङगिदोको योङृईन सिटिमा रहेको सि.एल.सि माईग्रेन्‍टस हयूमनराईटस सेन्‍टरमा ’ नेपानको दिन ’
नामक नेपाली संस्‍कृतीको परिचय दिने कार्यक्रम सम्‍पन्‍न भएको थियो । सो दिन योङृईन सिटिका कोरियन लगायत
पाकिस्‍तान, बंगलादेश, मंङगोल,थाईलेण्‍ड आदिका १०० सय जति मानिसहरु भेला भएका थिए ।

त्‍यस दिन नेपाली संस्‍कृती झल्‍कने फोटो प्रर्दशनीका साथै योङृईन सिटिमा रहेका नेपालीहरुले बिभिन्‍न किसिमका 
स्‍वादिष्‍ट परिकारहरु बनाएका थिए। सुनिता खाँडले नेपाली नृत्‍य नाचेर देखाएका थिए । नेपालीहरुको खेल ’बागचल’
कसरी खेल्‍ने भन्‍ने बारे पनि सिकाईएको थियो।

‘योङृईन सिटिमा यो हाम्रो पहिलो पल्‍ट हो । नेपालीको संस्‍कृतीलाई कोरियन लगायत अन्‍य राष्‍ट्रको नागरिकहरु
लाई परिचय गर्ने पाउँदा धेरै खुशीको साथै गर्भ लागेको छ ’ आयोजक कमिटिका सदस्‍य सुरेन्‍द्र राई भन्‍छन ।

कान्तिपुर संवाददाता

Posted on: 2006-11-19 23:13:30

सोमबार, १३ नोवेम्बर ०६ । नेपाली प्रवासी पत्रकार संघ दक्षिण कोरियालाई १२ नोवेम्बर आईतबारबाट नेपाल पत्रकार महासंघले आफ्नो सम्पर्क समितिको आधिकारिक मान्यताको पत्र एक समारोहबिच प्रदान गरेको छ ।

नेपाली प्रवासी पत्रकार संघ र जनसम्पर्क समिति दक्षिण कोरियाले संयुक्त रुपमा बौद्ध परिवारको कार्यालय छाबे चिबमा भएको एक कार्यक्रममा नेपाल पत्रकार महासंघका केन्द्रीय कोषाध्यक्ष हेमन्त काफ्लेले नेपाल प्रवासी पत्रकार संघ दक्षिण कोरियाका अध्यक्ष डम्बर सुब्बालाई आधिकारिकताको पत्र दिई बैधानिकता दिइएको छ । उक्त पत्रमा नेपाली प्रवासी पत्रकार संघलाई नेपाल पत्रकार सहासंघको सम्पर्क समिति कोरिया रहने उल्लेख गरिएको छ ।

नेपाल पत्रकार महासंघका केन्द्रीय कोषाध्यष हेमन्त काफ्लेले सो अवसरमा नेपाली सम्पर्क समिति दक्षिण कोरियाले प्रकाशित गर्दै आएको नेपाली सन्देश मासिकलाई नेपाल पत्रकार सहासंघका सभापति विष्णु निष्ठुरीको शुभकामना सन्देश पत्र नेपाली सन्देश मासिकका प्रधान सम्पादक तथा नेपाली प्रवासी पत्रकार संघका सचिव भूपेन्द्र आचार्यलाई सोही समारोहमा हस्तान्तरण गर्नु भएको थियो ।

कार्यक्रममा नेपाल पत्रकार महासंघका केन्द्रीय कोषध्यक्ष हेमन्त काफ्लेले ६ हजार नेपाली रहेको दक्षिण कोरयामा राजदूतावास स्थापना गर्न र नेपालीहरुको संरक्षण गर्न दक्षिण कोरियाको नेपाली प्रवासी पत्रकार संघले सत्यतथ्य समाचार निडरका साथ संप्रेषण गर्न र यो पत्रकार संघ नेपाल पत्रकार महासंघको समपर्क समितिकारुपमा रहेको बताउनु भयो । उहाँले विकृति र विसंगतिका बिरुद्ध यो पत्रकार संघ अगाडि बढ्ने बताउँदै कोरियामा रहेका सम्पूर्ण पत्रकार साथीहरुले यस संघमा गोलबन्द हुन समेत आग्रह गर्नुभयो ।

स्मरण होस् दक्षिण कोरियामा ४५ वटा संघ संस्थाहरुको स्थापना भएपनि अहिलेसम्म नेपाली जनसम्पर्क समिति दक्षिण कोरियालाई नेपाली कांग्रेसको भातृ संस्थाको रुपमा मान्यता पाएको छ भने अर्को नेपाली प्रवासी पत्रकार संघ दक्षिण कोरियालाई नेपाल पत्रकार सहासंघले सम्पर्क समितिको मान्यता दिइएको छ ।